Námskeið byggt á raunverulegum verkefnum sem leyst eru undir handleiðslu fagmanna, vettvangsnám fer fram utan kennsluverkstæðis tannlæknadeildar á Íslandi eða gegnum Erasmus nemendaskipti.
Jafnhliða vettvangsnámi hefst undirbúningur að rannsóknaráætlun í lokaverkefni.
Markmið:
Geti beitt fræðilegri þekkingu og verklegri úr grunnnámi við hönnun og smíði fastra og lausra tanngerva, og leysi raunveruleg viðfangsefni (case study) á vettvangi. Þjálfi og efli eigin rannsóknarvinnu.
1. Fagleg hæfni:
1.1 Geti útskýrt og fjallað um verkferla í gerð fastra og lausra tanngerva á eigin fagsviði
1.2 Geti útskýrt og fjallað um efnisfræði, meðhöndlun og notkun efna, tækja og búnaðar við framleiðslu tanngerva / lækningatækja (e. Medical device).
2. Hæfni til samskipta
2.1 Fari að siðareglum Tannsmiðafélags Íslands í samskiptum við fagfólk og skjólstæðinga
2.2 Geti unnið í teymi með öðrum tann- og munnheilsustéttum.
2.3 Geti leyst úr álitamálum sem upp kunna að koma á fagsviðinu.
3. Hagnýt færni:
Starfsvettvangur í vettvangsnámi reynir á faglega og hagnýta færni á eftirfarandi viðum:
3.1 Heilgómagerð: a) grunnvinna, b) uppstilling, c) frágangsvinna á plasti, d) bitslípun.
3.2 Króna og brúargerð: a) grunnvinna, b) vaxvinna, c) niðursteyping, d) köstun/pressun/millun, d) frágangsvinna.
3.3 Partagerð: a) grunnvinna, b) uppstilling á grind, c) bráðabirgðapartur, d) frágangsvinna.
3.4 Tannréttingar: a) grunnvinna, b) módelslípingar, c) vírabeygingar, d) plöstun og e) frágangsvinna.
4. Þjálfun rannsóknarvinnu:
4.1 Nýti upplýsingatækni og læsi til gagnaöflunar og rannsóknarvinnu á eigin fagsviði.
4.2 Beiti fræðilegum vinnubrögðum við gerð eigin rannsóknaráætlunar í verkefni tengdu tannsmíði.
4.3 Semji og riti formlega rannsóknaráætlun í lokaverkefni.
- Kennari: Aðalheiður Svana Sigurðardóttir
- Kennari: Vigdís Valsdóttir